艾美艾尊

女人天生麻煩，計我話，言承旭比女人更麻煩。

私底下俾人稱呼「大少爺」，台版「臭四」並唔係浪得虛名。就算言大少未試過將吮過雞翼骨放入助手手袋，但因為有份投資由漫畫《男兒當入樽》改編而成電視劇《籃球火》，住雞毛當令箭，除立下「四不拍」宣言，更一度扭計辭演唔做男主角。

直到決定埋位，言大少忽然將角色大執位，經佢親自點名加入《籃》劇吳尊，由球壇型英高手，變成奸狡大配角，杜絕任何角色成員搶自己鏡。

男版大細契角力賽，呢度唔係法庭，所以由言承旭一個話事。


聽聞你搵我老襯！（設計對白）
！你而家先知呀！（設計對白）


21/11

上星期三《籃球火》舉行開鏡記者會，言承旭與吳尊兩大男主角不斷密密斟，據聞私底下耐不耐會約埋打籃球。打友誼波無傷肝，講到拍戲，言承旭一定有你冇我。

靠吳尊賣埠集合中、港、台三地資金，預計耗資 7,000 萬台幣（約 1,500 萬港元）拍攝電視劇《籃球火》，劇本由漫畫《男兒當入樽》改編而成，由於言承旭有份俾錢投資，第一男主角「櫻木花道」，順理成章由佢擔正。

做得老細，自然掌握發球權，言承旭在草擬選角問題時，親自點名要加入「汶萊王子」吳尊。

吳尊曾經係汶萊國家籃球隊成員，球技有番咁上下，加上言承旭希望《籃》劇可以賣埠到東南亞，冇吳尊，單靠言承旭日本及亞洲等地知名度，要開發新市場，一定要借王子幫幫手。


飾演球隊管家婆「彩子」（圓圖）蔣怡，生得高頭大碼仲要著四吋高鞋，高過晒三位男主角，玩咩！


自訂規矩

傾掂角色，身在日本學唱歌跳舞言承旭諗諗又話辭演，原因係櫻木花道性格太浮誇，怕靚仔形象蕩然無存，於是搵小豬羅志祥頂上，寧願齋做老闆。

辭演之外，言老闆更定下「四不拍」規矩，包括：非蔡岳勳（《白色巨塔》導演）導演不拍、非吳尊當拍檔不演、劇本不滿意不拍、場景不真實不拍。

直到言老闆無厘頭又話埋位，又有新規矩出台，就係其餘籃球隊成員角色，通通唔可以高過佢（6呎），亦禁止劇組搵台灣超級籃球聯隊成員客串，怕球技比下去，寧願搵水準低成班高中籃球聯隊頂上。


唔識做戲

以「唔能夠俾任何人搶鏡」為大原則，言承旭角色分配上再做手腳。

由於言老闆較早前辭演，櫻木花道角色已經由小豬接替，至於吳尊，原本飾演萬人迷「流川‧ 楓」，言承旭怕俾佢搶晒風頭，於是番流川角色自己做，吳尊被迫做奸角「牧‧ 紳一」，戲份隨之大幅刪減。

純粹借吳尊賣埠，減佢戲份未必係壞事，事關吳尊之前接拍電視劇《公主小妹》，因為唔識做戲，俾導演大鬧「白痴」，連攝影師亦試過成頂帽飛向吳尊，嬲到想打人。

四肢發達頭腦簡單，吳尊日後仲要對住麻煩少爺言承旭，應該大把好戲睇。


吳尊同張韶涵拍檔演出《公主小妹》，其中一場戲講兩個共食一個飯盒，吳尊白痴問導演：「我不吃下去會很明顯嗎？」嬲到導演雙眼識噴火。


花籃數目多少反應藝人知名度，記者會當日，吳尊收 120 個，言承旭得 40 個，又輸。


由主變配角，好在吳尊有錢仔身份，排場贏足言承旭成條忠孝東路走九遍都仲得，淨係佢架波子 Cayenne，再望望言老闆架日產 Cefiro，換過佢啦！


借題發揮

十一月底開拍《籃球火》，由於最終唔到《男兒當入樽》正式版權，為日後可以賣埠過日本，所以劇本上，同原著會有少許出入，但人物性格，擺明走「法律罅」，有八成照抄；至於故事背景，由於眾人年紀有番咁上下，扮唔成原著高中生，唯有升班做大學生。





轉自吳尊國際後援會