吳尊白淨又有胸肌，加上舉止斯文，特別係佢飲茶時手指尾翹起的姿勢，SoSo姐都明點解會畀人傳佢係同志，不過同吳尊合作過的人為佢平反，話佢一D都唔「女」，同佢食過飯更加知佢好Man！
有晚吳尊在上海同成班劇組人員去食日本料理，一開始大家幫佢叫了三件手卷，三件手卷一上
，唔使三分鐘，吳尊已經吞晒入口，仲再Order多幾件，結果食夠十件手卷至停手，仲要食相豪邁，好似幾日冇飯食咁。自此大家都嗌佢「大食尊」！
仲估佢咁食法，拍完部戲肯定變吳「豬」，點知佢唔單止冇變肥豬，胸肌仲愈來愈勁，追問之下先知佢食量勁，但運動量仲勁，每朝幾早開工都好，佢堅持做各種健身運動，Keep住自己個靚Body，咁熱愛健身，唔怪得佢在汶萊開設健身室，開完一間又一間，下次要叫佢健身達人至得。
全站熱搜
留言列表
