艾美艾尊

阿 Sa 和 吳 尊 彼 此 逼 供 ， 大 談 對 愛 情 的 看 法 。









蔡 卓 妍 （ 阿 Sa ） 與 吳 尊 雖 然 在 新 戲 中 有 感 情 線 ， 但 現 實 生 活 中 二 人 卻 絕 不 過 電 ， 還 經 常 互 窒 ， 幸 好 二 人 在 對 方 眼 中 各 有 優 點 ， 難 怪 完 成 電 影 工 作 後 ， 仍 然 是 雞 啄 唔 斷 的 好 朋 友 。

蔡 卓 妍 ： Sa 　 吳 尊 ： 尊

Sa ： 喂 ！ 你 覺 唔 覺 得 你 成 日 踩 我 ？

尊 ： 我 無 呀 ！ 冤 枉 呀 ！

Sa ： 無 ？ 初 初 就 真 係 無 ， 因 為 你 陣 廣 東 話 唔 好 仲 未 識 還 擊 呀 嘛 ！ 我 成 日 整 鬼 你 ， 依 家 你 廣 東 話 進 步 就 報 仇 咁 報 ！ 我 一 講 錯 就 不 停 我 隔 籬 重 覆 我 錯 處 ， 狂 踩 我 ！

尊 ： 其 實 初 初 係 因 為 第 一 次 拍 戲 先 至 咁 少 講 咋 ！ 雖 然 好 多 都 好 新 鮮 ， 但 好 玩 之 餘 壓 力 都 好 大 。

情 ‧ 珍 惜 　
Sa ： 其 實 你 除 同 我 傳 緋 聞 ， 之 前 都 同 S.H.E Ella 傳 過 ， 點 解 你 傳 親 女 仔 都 係 男 仔 頭 ？ 係 咪 特 別 偏 好 ？

尊 ： 呢 記 者 寫 咋 ！ 可 能 中 性 易 談 得 來 ， 容 易 成 為 知 心 友 。

Sa ： 咁 你 係 咪 鍾 意 男 仔 頭 ？

尊 ： 其 實 最 主 要 是 相 處 時 要 有 感 覺 ， 我 從 來 沒 有 指 定 要 某 一 種 類 型 的 女 友 。

Sa ： 咁 你 有 無 拍 緊 拖 ？

尊 ： 無 呀 ， 我 依 家 唔 諗 咁 多 ， 要 應 付 太 多 ， 做 我 女 友 會 好 辛 苦 。

Sa ： 講 起 感 覺 ， 我 拍 親 熱 戲 時 感 覺 好 好 ， 因 為 劇 情 需 要 我 有 尷 尬 感 覺 ， 又 因 為 時 我 唔 係 好 熟 ， 所 以 拍 出 好 有 初 戀 感 覺 ， 我 個 心 都 跳 得 好 勁 ！

尊 ： 唔 係 ？ 你 咁 有 演 戲 經 驗 ， 點 會 ？

Sa （ 嬌 羞 狀 ） ： 唔 知 喎 ， 可 能 因 為 第 一 次 同 個 咁 靚 仔 ！

尊 ： 哈 ！ 其 實 我 都 有 尷 尬 ， 雖 然 電 視 劇 都 有 親 熱 戲 ， 但 無 咁 長 囉 ！

Sa ： 你 係 好 多 女 仔 心 目 中 理 想 情 人 ， 但 我 覺 得 我 都 係 做 朋 友 好 ， 呢 個 圈 好 難 識 到 朋 友 ！ 我 都 同 好 多 人 傳 過 緋 聞 ， 但 因 為 傳 媒 成 日 寫 ， 變 好 難 維 持 ！ 難 得 依 家 識 到 個 咁 好 玩 ， 我 會 好 珍 惜 呢 段 友 誼 。

尊 ： 其 實 我 覺 得 我 們 拍 戲 時 真 的 很 愛 對 方 ， 但 拍 完 戲 後 ， 我 們 就 成 為 談 得 來 的 朋 友 ， 咁 幾 好 。

愛 ‧ 出 擊
Sa ： 咁 愛 情 方 面 你 鍾 意 做 主 動 定 被 動 ？

尊 ： 要 睇 鍾 唔 鍾 意 個 女 仔 囉 ， 通 常 都 會 暗 示 先 ， 有 反 應 先 會 繼 續 發 展 ； 當 然 我 唔 介 意 女 仔 做 主 動 ， 咁 你 又 點 ？

Sa ： 我 唔 介 意 做 主 動 定 被 動 喎 ， 睇 個 男 仔 點 囉 ， 如 果 佢 被 動 ， 我 咪 主 動 囉 ， 無 所 謂 ！

文 ： 影 視 組 　 攝 ： 黎 志 輝

歡 喜 冤 家 互 相 單 打
阿 Sa 和 吳 尊 無 論 在 公 開 場 合 或 是 私 底 下 均 是 「 狗 咬 狗 骨 」 ， 絕 對 是 典 型 的 歡 喜 冤 家 。 做 專 訪 當 天 由 於 掛 一 號 風 球 ， 而 吳 尊 翌 日 亦 要 趕 回 台 灣 ， 阿 Sa 在 拍 照 時 竟 取 笑 他 隨 時 要 滯 留 香 港 ； 而 在 拍 攝 合 照 時 ， 由 於 吳 尊 的 手 臂 粗 大 ， 多 次 把 阿 Sa 的 俏 臉 遮 蓋 ， 阿 Sa 就 乘 機 取 笑 吳 尊 肥 胖 ， 氣 得 吳 尊 作 狀 要 追 打 她 ， 場 面 搞 笑 。