艾美艾尊

阿Sa帶小朋友上台，從容抒情。 彭子文 攝



感情生活低調的容祖兒，近日在電台節目中自爆曾與陳方籐拍拖5年，而曾與她傳出緋聞的何韻詩，前晚出席音樂會活動時就對此新聞不感驚訝，她直指祖兒一直都承認有拍拖，卻沒有人相信，她說：「唔係佢唔認，係你們不信，不過佢對朋友都好少提，佢唔係一個想將自己感情事到處講的人，不過唔知點解佢唔會將男朋友介紹畀朋友識，呢方面佢比較趣致。」

　阿詩主動提到好友陳文媛到美國生BB的報道，不過她亦不清楚BoBo的情況，她表示已有大半年沒找過對方，因為知道BoBo身在美國，不想騷擾她；她又說：「我無問過佢結婚的事，我都唔係八卦人，朋友應該係互相支持，佢要講就會講，我唔會打畀佢求證。」

　早前表示會介紹吳尊給祖兒認識的阿Sa前晚亦有出席音樂會，但她表示自己不是要介紹男朋友給祖兒，只是想介紹朋友給她。

　阿Sa說：「我同祖兒係同一種人，大家都好開心，又好玩得，如果我同吳尊可以做朋友，咁佢哋兩個都可以做朋友。（因為你的感情生活sweet，所以想介紹男仔畀朋友？）咁我當然想身邊朋友都開心，吳尊係好仔，我之後都會介紹畀阿嬌，不過我只係想身邊的朋友都互相認識。」她又希望生日或節日時，可以所有朋友都一同慶祝。




來源: 文匯報