艾美艾尊

要了解一個人嘅性格，最好就係睇佢手袋裝啲咩，可以嘅話，最好睇埋個銀包。SoSo姐發現飛輪海「人氣王」汪東城（大東）用緊個名牌銀包，竟然係女裝，而且仲係勁師奶嘅款。原來個銀包係孝順嘅大東舊年送畀阿媽做生日禮物，點知阿媽嫌銀包太細唔夠用而「退貨」，出名慳家嘅大東見用得唔好蹝，咪留番自用囉！雖然節儉係美德，但SoSo姐好想知道佢同女仔拍拖嗰陣，叻個女裝銀包出嚟找數，會唔會尷尬呢？

除咗銀包，佢哋開工用嘅袋都可以反映袋主性格，SoSo姐發現吳尊最整齊，佢個袋雖然有化妝袋、手提電腦同埋文件，但勝在袋中有袋分門別類，井井有條又乾淨。最特別嘅係吳尊有個藥袋，幾乎講得出咩病痛佢都有藥急救，唔怪之得佢自封「吳醫師」啦！

至於擁有一雙電眼嘅炎亞綸，佢個袋除咗有好多Fans信外，仲有一袋水晶石，原來佢係四個之中嘅「神婆」，隨身帶備各類水晶嘅催旺愛情、事業同人緣運。而投資專家辰亦儒就隨身帶備簽名蓋章，好似隨時有大買賣咁，非常誇張！



來源: 太陽報



(很不喜歡太陽報的廣東白話文章報導, 那些廣東話字又不能顯示出來, 要人家去猜和補打他們的意思耶 唉!)