艾美艾尊

吳尊同Angela一碰頭，就即刻鬥嘴，好似小情侶咁打情罵俏。


Angela同胡宇崴一齊盡享日本美食，為食嘅吳尊竟然唔見人。


吳尊、張韶涵（Angela）、辰亦儒、胡宇崴日前為《公主小妹》DVD發行，去到大阪作最後一站宣傳。由於豬流感已經傳入亞洲，關西機場人員都嚴陣以待，戴晒口罩同埋着晒防塵衣，令佢哋好驚訝，而佢哋亦要經嚴密檢疫同量體溫，花了好長時間先出到閘，但仍然吸引近100名fans到場接機，fans最心痛當然係吳尊繼續要坐輪椅待步。

Angela帶埋家人到大阪，所以抵步第1日全程撇低吳尊，但第2日佢哋一見面，就開始鬥嘴，吳尊重笑Angela shopping狂碌卡，根本唔知自己使咗幾多錢。而吳尊最近愛上上網睇旅遊資訊，佢被問到有冇玩facebook同MSN，佢嫌浪費時間，使用網路只用來查旅遊資訊和關心健身房生意，重話：「我連MSN帳號都過期了，跟國外好友也用e-mail寫信。」

吳尊亦從工作人員口中得知羅志祥喺網上誤交女生嘅新聞，佢話：「藝人也要真心交朋友啊！沒什麼！我挺你！」而Angela雖然會用msn，但就話：「不會用視訊，除非要看家裡的狗狗。」




來源: newmonday.com.hk