close
等到頸都長，飛輪海第2本寫真集《原點》將會喺9月4日推出，fans畀440蚊新台幣（約港幣$100）就可以買到一套4本寫真，抵到爛！
不過CIA收到料，呢本寫真集分分鐘係飛輪海最後一輯，事關飛輪海同經理人華研國際嘅合約即將完結，據聞一向唔係隊中靈魂嘅辰亦儒同炎亞綸已經乖乖續約，但吳尊同大東汪東城仲扭緊計。
聽講吳尊因為電影方面發展得唔錯，唔想再留喺舊框框；而大東就求開心價，又覺得自己28歲大個仔，係時候個人發展，有毛有翼要飛咁話。計我CIA話，呢啲問題唔係好難解決啫，分開搵錢唔使同人分梗係好，撈唔掂咪crossover再合作囉，一切都係錢作怪啫。
倒米亞綸
一直有傳係同性戀嘅炎亞綸，近日要準備為寫真集造勢，亞綸有見及此，於是自拍多款床照，底衫照擺blog任睇，不過咁做係咪即係倒米呢？
全站熱搜
留言列表
