> 
> 
飛輪海最新寫真集《原點‧飛輪海》上星期五推出，將於明天(13/9)係台北西門町舉行簽書會，但佢哋今日卻突然嚟咗香港，吸引過百fans接機。
自從2月嚟香港舉行演唱會後，直至今次4子才再度合體嚟港，因此fans表現都比較瘋狂，不斷推逼佢哋，亦有幾名fans被推倒，要由飛輪海扶返佢哋起身。
平時保安會預先封樓梯，唔俾fans靠近，等飛輪海快速去到停車場閃人，點知今日竟然冇人封梯，多fans成功突圍，同飛輪海近距離接觸，後來要保安趕佢哋走，而飛輪海亦花咗近20分鐘才可以安全離開。
據聞佢哋今次秘密嚟港係為一個私人商業活動做表演嘉賓，而佢哋將於明早離港，趕回台灣準備簽書會。
來源: http://www.newmonday.com.hk
全站熱搜
留言列表
