艾美艾尊

飛輪海喺澳門舉行演唱會, 期間4子收禮物都收到手軟呀!



飛輪海表現非常落力,又唱又跳之餘, 重耍埋棍, 帥爆!


當晚全場爆滿,歌迷由頭high到尾, 可見飛輪海的人氣依然強勁!



飛輪海四位成員吳尊、汪東城、炎亞綸和辰奕儒繼香港同台灣等地舉行巡迴演唱會後，今晚(19/9)四子便假澳門威尼斯人酒店舉行「飛輪海想入飛飛世界巡迴演唱會」，跟澳門歌迷見見面。

雖然唔少飛輪海歌迷都看過佢哋於世界各地所舉行的演唱會，但係佢哋的熱情並冇減退，話晒香港跟澳門只係一海之隔，難怪唔少香港歌迷都繼續追到澳門，專誠「過大海」支持偶像。
喺演唱會上，飛輪海以太空造型打頭陣，再配合現場特製的燈光效果，極富未來的感覺，佢哋以呢個帥爆的造型和甫士出場，演唱會剛開始，現場的歌迷已經即時陷入瘋狂狀態，尖叫聲四起；之後佢哋更由呢個充滿未來感的太空造型變身為飛行員，乘著飛行器攀升到5層樓高，作出高難度動作，當然佢哋繼續以型掛帥，但係升到咁高，一班歌迷都睇得非常肉緊，大叫佢哋要小心。雖然亞綸同吳尊之前都曾受腳傷影響，不過四子依然表現落力，又唱又跳，絕冇欺場，台下歌迷叫得興奮，而飛輪海亦收禮物都收到手軟呢！




來源: www.newmonday.com.hk