艾美艾尊

飛輪海巡迴演唱會，4子各自大show才藝。

 

全場一共唱咗29首歌，fans大感滿足。

 

4子造型多變，包括火紅搖滾勁裝、複古西裝造型、盔甲劍道裝扮等等。



飛輪海世界巡迴演唱會今日（25/10）喺台北登場，4人大show才藝：吳尊打大鼓，汪東城帶閃亮電結他獨唱，炎亞綸彈鋼琴，辰亦儒表演B-BOX，睇得歌迷如癡如狂。

在全場歌迷期待之下，由1600塊LED 組成嘅超大屏幕開始倒數，飛輪海著住型仔銀河戰士裝出場，各自搭住太空艙，由6層樓高處降落舞台，4子一齊耍光劍，高唱《出神入化》，為《想入飛飛》台北演唱會揭開序幕。

汪東城一頭銀白頭髮成為全場焦點，他喺演唱會展現結他才藝，先係孭住1枝貼滿5000粒閃亮水鑽嘅電結他，獨唱搖滾歌曲《自由》，之後又喺4人表演《一個人流浪》時，用木結他幫大家伴奏。

吳尊就solo戰鼓，歌迷鼓掌叫好。吳尊之前喺演唱會香港場時吊鋼絲撞親腳，本來佢想喺台北場再次挑戰，但唱片公司擔心舊疾複發，最後就要佢上場打戰鼓。炎亞綸就一人彈鋼琴叫lum歌，佢一度激動落淚，歌迷即刻尖叫。辰亦儒嘅B-BOX絕技就為氣氛加分。



來源: www.newmonday.com.hk