艾美艾尊

被指全宇宙最好打嘅甄子丹率領吳尊同徐子珊喺新戲《錦衣衛》入面打個天翻地覆，噚日佢哋喺尖沙嘴半島酒店出席記者會，即場播放咗齣戲嘅精采片段，女主角趙薇就因病為由缺席，其實唔知係咪怕為搶葉翠翠男友一事解話呢？





子珊同吳尊呢兩位俊男美女，企埋一齊外形似姊弟多啲喎。



吳尊喺片中會同子丹過招，當然放盡去打。



吳尊拍攝時過份用力，打到宇宙最強嘅子丹都要彈開。吳尊話打之前子丹派定心丸畀佢，叫佢放盡去打，吳尊話：「子丹叫我唔好緊張，叫我打死佢。」
子珊要谷胸打鬥，子丹更赤膊演出，見子丹喺片段中胸前肌肉仲谷到好似想爆咁款，子丹講笑話導演李仁港冇安排佢喺子珊場谷胸戲出現，可能怕子珊見到佢胸前偉大而自卑。
子珊又會同吳尊打到飛起，但佢哋初次拍動作片難免笑料百出，子丹話子珊喺戲入面攞住條好以 Gucci皮帶嘅皮鞭做武器，每次都打到身邊演員傷晒，子丹話：「同子珊對打，我企喺佢前面三吋打極都打唔到，但側邊唔應該打嘅演員就俾佢打到成面腫晒。」子珊解釋：「雖然之前練習過，但未必控制得咁好。」



來源: 蘋果日報