close
簽咗新經理人公司嘅吳尊，上星期二飛抵香港出席賀歲片《錦衣衛》記招，戲中會同徐子珊最多對手戲，單飛嘅吳尊唔憂冇工開啦！
屢傳拆夥嘅飛輪海，最近終於落實明年拆夥。CIA收到風話飛輪海今年尾出埋最後一張專輯，就各散東西單飛發展，汪東城、辰亦儒同炎亞綸會留守舊經理人公司可米國際；至於上月10日剛滿30歲嘅隊中大佬吳尊，就鐵定加盟「福隆」做金城武同周渝民師弟，不過佢講明暫時唔向歌唱界發展，主力拍戲，出年想再睇四子合體都幾難咯。
面阻阻
上月尾飛輪海喺台北小巨蛋開嘅個唱，分分鐘係四子合作最後一個演唱會，不過CIA留意到準備單飛發展嘅吳尊，喺慶功會上同三子貌合神離，佢同炎亞綸（左圖左）更加冇乜幾句。
來源: FACE週刊
全站熱搜
留言列表
