艾美艾尊

大會公關（右二）即安排佢同 Dunhill高層影相。當時 William未見影。



上星期四（22日）Alfred Dunhill嘅中環開新店，搵咗唔少星去贈興。當中最巴閉都算吳尊，活動7點半開始，7點未夠，佢過百嘅fans已經堵塞咗半條雪廠街！

7點半左右，陳偉霆（William）單拖到場，奇怪嘅係佢同Dunhill高層影完相之後，喺門口游來游去都唔入店舖。做乜呢？約5分鐘之後，吳尊坐大會安排嘅車嚟到。人哋同Dunhill高層握手影相時，William立即「游」埋去影埋一份。呢個時候，媽咪姐喺吳尊嘅fans群中聽到一句：「正一菠蘿雞（靠黐）！」



約 5分鐘後，專程由台灣嚟，一身 Dunhill服飾嘅吳尊，獲客戶安排乘坐開篷跑車到場。



單拖到場嘅 William，同 Dunhill高層影完相，冇即時入店內參觀。



說時遲那時快， William極速攝位，時間啱啱好。



來源: 忽然1週