close
今日係母親節，吳尊更加憶起亡母，好彩有隊友鼓勵，重有工作令佢分心。
踩單車環島遊都係台灣旅遊嘅一大特色，飛輪海將聯同幾百位海外fans推廣台灣。
身為台灣觀光代言人嘅飛輪海，今日喺福隆海水浴場，同一班海外fans進行觀光種子兵團宣誓大會，喺未來同飛輪海一齊推廣台灣旅遊，當中包括嚟自以日本為主、韓國同香港等幾百位fans。
適逢今日係母親節，對母親已過世嘅吳尊嚟講特別感觸，佢話：「很慶幸母親節時有工作，否則一個人在家又要胡思亂想。」汪東城對吳尊話：「你做得很成功，媽媽會很開心。」炎亞綸亦貼心話請吳尊到佢屋企食飯。
另外，大東前幾日去上海參加世博活動，就趁機帶同行嘅媽媽到處觀光；而炎亞綸就話花費3萬台幣買小手袋送俾媽媽，同時向媽媽道歉，因為前2日，佢唔小心將媽媽嘅風水水晶移咗位。
來源: http://www.newmonday.com.hk
全站熱搜
留言列表
