艾美艾尊

古仔（小圖）因腳傷缺席開鏡，仔仔同林峯猛話要吳尊教路，無端端認吳尊做師傅。


一眾演員去咗天波楊府同楊氏後人祭祖，鬼咁有氣勢。


周渝民（仔仔）、吳尊同林峯三個噚日喺河南開封市，出席于仁泰導演、黃百鳴監製嘅新戲《忠烈楊家將》開機記者會，現場仲招待近 300個 fans入場，場面好熱鬧。飾演楊大郎嘅古天樂因腳傷缺席，黃百鳴話要等醫生報告出咗，先知古仔幾時返入劇組，仲話：「本來 6、 7號拍，家停咗，其他當紅演員啲期都好難就，不過點都唔主張換角，古仔喺戲入面係大佬亦係大腦。」佢仲透露部戲投資咗 2億人民幣，女主角係馮小剛老婆徐凡。

與楊氏後人祭祖

一眾演員去咗天波楊府同楊氏後人祭祖，鬼咁有氣勢。


記者會後，一眾演員拉隊到天波楊府，同楊氏後人一齊祭祖。之後仔仔、吳尊同林峯一齊接受訪問，仔仔話第一次拍古裝，最緊要練好體能，仲話會叫健身好叻嘅吳尊教佢，吳尊拍心口話冇問題。因為部戲好多打戲，林峯話之前個唱練完舞，家趕緊練武，佢話：「幾年冇接過武打戲，全部人都要練騎馬，仲要騎住馬打，危險少少，要請教吳尊。」個個都當吳尊係師傅，吳尊即時耍手話：「我都唔係好識。」仔仔仲話練騎馬騎到屁股痛。



來源: 蘋果日報