阿媽教落要箍實男人個心先要箍實佢個胃，其實呢句話用男人同女人身上都得。SoSo姐知道吳尊呢期好紅，但佢紅得又得人鍾意，皆因細心嘅佢識得綁住大家個胃。
吳尊除左成日用廣東話冧Fans外，連平日少見嘅香港記者都唔放過！近期佢密密來港為新片宣傳，有晚現身戲院同Fans聚會，電影公司事前安排傳媒同佢做訪問，期間佢突然叫助手拎台灣地道手信請記者食，有老婆餅同鳳梨酥，記者仲以為係台灣特產太陽餅，點知佢即刻話係老婆餅！佢話本來想買太陽餅，但驚大家覺得冇新意，加上佢食過台灣老婆餅同香港老婆餅口味唔同，所以特登親手拎過來畀大家試吓。見佢咁鬼細心，大家又點會唔鍾意佢呀！
吳尊呢招「雞髀打人牙骹軟」確係使得，SoSo姐估佢都會買唔少香港手信返台灣或汶萊請人食，希望佢揀好食，等佢啲同鄉來香港玩時幫襯多啲，促進經濟！
來源: 太陽報
吳尊除左成日用廣東話冧Fans外，連平日少見嘅香港記者都唔放過！近期佢密密來港為新片宣傳，有晚現身戲院同Fans聚會，電影公司事前安排傳媒同佢做訪問，期間佢突然叫助手拎台灣地道手信請記者食，有老婆餅同鳳梨酥，記者仲以為係台灣特產太陽餅，點知佢即刻話係老婆餅！佢話本來想買太陽餅，但驚大家覺得冇新意，加上佢食過台灣老婆餅同香港老婆餅口味唔同，所以特登親手拎過來畀大家試吓。見佢咁鬼細心，大家又點會唔鍾意佢呀！
吳尊呢招「雞髀打人牙骹軟」確係使得，SoSo姐估佢都會買唔少香港手信返台灣或汶萊請人食，希望佢揀好食，等佢啲同鄉來香港玩時幫襯多啲，促進經濟！
來源: 太陽報
全站熱搜
留言列表
