早幾日小小So去機場接朋友機，咁啱撞到飛輪海成員吳尊秘密來港，真不愧為台灣人氣組合，去到邊都有粉絲跟到實，嗰日見佢有四個香港女粉絲陪住出閘，不停撩佢講嘢，吳尊好友善咁同佢哋傾偈，當佢行出閘嗰陣，粉絲數目仲激增至三十幾人，不過吳尊見怪不怪，喺女助手嘅護駕下，行落樓下嘅停車場，仲邊行邊揮手。
機場條路咁闊，本應就好易行，但一到入位，見慣大場面嘅吳尊都嚇親！門一打開，吳尊一馬當先行入去，啲粉絲梗係唔執輸，個個逼入去，連吳尊啲行李都冇位入，要女助手開口叫粉絲出去。冇位企嘅吳尊，唔知係唔係怕強勁胸肌撞親粉絲，佢竟然耷低頭面壁咁企，完全冇同粉絲有身體接觸，相信短短呢幾秒已令佢好驚，一開門，佢就極速跑出去衝上車！
來源: 太陽報
機場條路咁闊，本應就好易行，但一到入位，見慣大場面嘅吳尊都嚇親！門一打開，吳尊一馬當先行入去，啲粉絲梗係唔執輸，個個逼入去，連吳尊啲行李都冇位入，要女助手開口叫粉絲出去。冇位企嘅吳尊，唔知係唔係怕強勁胸肌撞親粉絲，佢竟然耷低頭面壁咁企，完全冇同粉絲有身體接觸，相信短短呢幾秒已令佢好驚，一開門，佢就極速跑出去衝上車！
來源: 太陽報
全站熱搜
留言列表
