艾美艾尊

吳尊天生靚仔，澄清自己並不貪靚。



徐子珊與吳尊合作拍戲後，成為好朋友。

徐子珊雖然有幸與萬人迷吳尊合作拍戲，但原來壓力很大，子珊笑言與吳尊有大量對打戲，害怕傷及他的俊臉遭對方的fans「追殺」，她笑說：「吳尊唔係好男友人選，同佢拍拖會危及人身安全！」
子珊夥拍吳尊合作電影《錦衣衛》，兩人在戲中有大量對打戲份，子珊說：「我好鬼大壓力，驚整親佢塊俊臉，咁我點同佢啲fans交代？到時啲粉絲一定唔會放過我，所以要打得好小心。」

吊威吔有型
子珊更由拍打戲引伸到拍拖上，認為一樣有壓力，她說：「講到做男朋友，靚仔係會少啲安全感嘅，如果係吳尊就更加唔得啦！一定好大壓力，佢咁多粉絲，我會擔心自己嘅安全咯。」

在旁的吳尊，聽得子珊之言，即澄清自己並不貪靚，務求解除與子珊合作拍戲的壓力，他說：「我很喜歡拍打片，亦很享受吊威吔，感覺上好有型、和有大俠風範。」


都愛吃零食
其實表面上二人看似歡喜冤家，實質上吳尊與子珊拍戲期間，因年紀及拍戲經驗相若，又都是愛吃零食的大孩子，故此很快便成為好友，吳尊笑說：「我哋兩個心態冇咁緊張，大家都冇乜經驗，加上唔怕受傷又想挑戰自己，成日主動要求一個鏡頭拍幾次。」



來源: 東方日報