close
飛輪海之子吳尊生得高大靚仔，係好多女仔嘅Dream Man，不過呢位汶萊公子甚少同女仔傳緋聞，反而之前傳同好友羅志祥撻著！SoSo姐就唔係幾信，皆因早前吳尊同緋聞女友蔡卓妍（阿Sa）出席新片《武俠梁祝》首映禮時，坐正喺吳尊前面，仲唔乘機豎起對耳偷聽「Sa尊」講咩心事咩！
當晚以一身紅色連身裙打扮嘅阿Sa，的確好搶鏡，難怪令人動心！電影開場，佢同吳尊排排坐，身邊有電影老闆同高層。本來「Sa尊」好專心睇戲，話晒喺戲院場內不得傾談，點知冇幾耐，SoSo姐就聽到阿Sa把聲，原來吳尊有啲廣東話對白聽唔明，於是問阿Sa點解，阿Sa亦好細聲咁用普通話講一次，嘩！呢種細心程度係仔都冧爆，十足十談情咁！
遞水問暖超細心
至於吳尊都好細心嘅喎！話說睇到部戲中段，阿Sa突然間「打飽嗝」，仲要打成分鐘，吳尊就好溫柔咁問：「你有沒有事？喝點水會比較好！」唔怪得阿Sa完場時拎住支水，唔知支水係咪吳尊遞畀佢嘅呢？吳尊對拍檔咁細心，對女友肯定超好啦！
全站熱搜
留言列表
