艾美艾尊

琴日(8/4)飛輪海現身杭州九堡華貿鞋城商城一樓中庭，舉行簽約儀式，正式成為內地運動品牌野力嘅代言人，野力負責人更頒發榮譽證書俾佢哋，確實2年嘅合作關係。

飛輪海魅力驚人，5層樓高嘅商城迫進接近2000位fans，第1排fans聽說早上6點已經嚟佔位子。而係活動途中，飛輪海都好注意歌迷安全，不斷用手勢示意佢哋唔好迫，後來更開mic咪呼籲：「不要推，乖！」，fans即時有秩序咁退後。

之前一直用輪椅代步嘅吳尊，當日就住就住咁行，似乎想避免再整親隻腳，影響之後嘅演出。不過，當主持人宣佈要進行擊鼓儀式時，3子即時起哄要吳尊示範，雖然最後係4個人連埋啲嘉賓一齊打，但齋嗰幾下鼓聲都好令人期待！



飛輪海一到會場，4個人各自照顧唔同方向嘅fans，好周到。


野力拿出巨型榮譽證書將飛輪海訂下來。


被哄打鼓嘅吳尊，馬上望住個鼓，似乎有啲心郁郁。


當其他3子離開會場時，大東重掛住影fans相，唔捨得走。


fans一見到佢哋走，馬上蜂擁而上，勁迫人。


野力好重視呢個簽約儀式，係商城外面掛著塊巨型banner宣傳今次活動。


為咗顧及fans安全，會場內亦有溫馨提示，表明飛輪海有3不政策。


舉行簽約儀式前，飛輪海先到野力專門店打手印，慶祝活動成功。



來源: www.newmonday.com.hk