艾美艾尊

言承旭苦等經年嘅《華麗的挑戰》竟然臨門撻 Q，吳尊就喺毫無預示之下冷手執個熱煎堆。世事嘅嘢果真估佢唔到。你現在爽歪歪啦！（設計對白）



有睇開台灣偶像劇嘅，應該有睇過無綫J2台做緊嘅《籃球火》，原來《籃》嘅主角東方翔本來係吳尊，誰不知到開拍，個角色竟然落喺言承旭手上，而吳尊就變咗大茄無極尊，搞到吳尊好馨。《藍》之後，台灣「八大電視台」睇準言承旭喺日本有龐大粉絲團，於是拉攏日本製作公司合作籌拍《華麗的挑戰》，女主角仲係林依晨o忝。而言承旭為咗呢部劇，已經推咗五部戲，搵少成千萬港幣片酬o架。誰不知就喺1月8號、即劇集開工前一日，突然收到日本方面話公司有人事變動，劇集要無限期停拍。

一直拖到最近，又有消息話劇集會復拍，但就唔關日本嘅事，而男主角亦由言承旭換上吳尊，而主要市場就會以東南亞及大陸為主。

據內幕消息人士講，因為言孭飛嘅《籃》收視低迷，本來諗住佢喺日本有市場，依家日本縮沙，台灣製作單位對佢冇乜信心，所以決定由吳尊頂上。

來源：　忽然1周