艾美艾尊

      

飛輪海一出場就以勁歌熱舞辣興觀眾。                  之後再換上飛機師裝束唱情歌。

      

飛輪海非常識做，經常走到台最前面同fans近距離接觸，兼狂收禮物。   Kelvin率先solo beat box。

 

       
吳尊亦表演打鼓，盡顯男人味。                            大東彈電子結他為演唱會帶嚟高潮。 




尋日，《飛輪海想入飛飛巡迴演唱會》喺澳門舉行第10場，飛輪海以十全十美嚟形容演唱會，更加唱足3個鐘，非常賣力，而早前因喺香港吊威也出場而受傷嘅吳尊，都冇再表演吊威也，以打太鼓代替。

飛輪海各自有solo表演，以大東自彈電子結他自唱李心潔〈自由〉時，觀眾反應最high，炎亞綸亦邊彈鋼琴邊唱張學友嘅〈一路上有你〉，又同嘉賓劉力揚合唱〈Ti Amo〉。辰亦儒亦盡騷苦練一段日子嘅beat box，吳尊除咗打鼓，重表演打太鼓，佢話：「綵排的時候我打斷了好幾根鼓棒。」辰亦儒趁機大爆炎亞綸練習〈雙截棍〉嘅舞步時，被雙截棍打中頭，即時引起觀眾大笑。

飛輪海嘅勁歌熱舞唱出〈出神入化〉、〈超喜歡你〉、〈越來越愛〉等，令觀眾熱血沸騰，又以80年代打扮唱經典歌曲，好似〈Uptown Girl〉等，當佢哋介紹身後樂隊嘅時候，亦搞笑問樂隊：「有沒有在澳門輸掉機票，我們也想輸掉機票，不想離開，在澳門度假。」演唱會最終喺11點半以〈留下來〉一曲完場。



來源: www.newmonday.com.hk