艾美艾尊

吳 尊 與 蔡 卓 妍 在 內 地 拍 戲 ， 兩 人 愈 拍 愈 有 默 契 。


【 李 榮 修 上 海 直 擊 】 昨 日 吳 尊 與 蔡 卓 妍 在 上 海 為 新 片 《 劍 蝶 》 開 工 ， 吳 尊 繼 早 前 第 三 度 遺 失 手 提 電 話 ， 之 前 拍 戲 時 已 埋 口 的 傷 口 滲 血 等 黑 仔 遭 遇 後 ， 昨 日 開 工 又 因 落 雨 令 拍 攝 受 阻 ， 吳 尊 堪 稱 「 新 一 代 地 獄 黑 仔 王 」 。

整 裝 待 發 的 吳 尊 ， 本 準 備 為 馬 楚 成 導 演 新 片 開 工 ， 不 過 遇 上 大 雨 ， 眾 人 只 好 在 記 者 前 大 擺 甫 士 ， 等 待 停 雨 ， 吳 尊 自 爆 黑 仔 遭 遇 說 ： 「 前 幾 日 唔 見 電 話 ， 好 唔 開 心 ， 不 過 冇 親 密 照 ， 但 有 好 多 親 友 電 話 ， 希 望 有 心 人 執 到 畀 番 我 ， 之 前 汶 萊 、 台 灣 同 內 地 都 唔 見 過 電 話 。 而 早 前 我 手 掌 傷 口 本 好 得 七 七 八 八 ， 點 知 突 然 滲 血 ， 我 唔 係 咁 擔 心 ， 反 而 同 事 仲 緊 張 ， 至 於 親 身 拍 危 險 場 面 ， 係 因 為 想 學 多 。 （ S.H.E Ella 話 有 段 刻 骨 銘 心 戀 情 喎 ？ ） 我 知 佢 個 情 人 係 邊 個 ， 我 三 個 係 好 朋 友 。 外 間 一 時 傳 我 同 張 韶 涵 、 Ella 緋 聞 ， 一 時 傳 我 同 性 戀 ， 我 都 理 唔 到 咁 多 咯 ！ 」

拍 得 開 心
蔡 卓 妍 （ 阿 Sa ） 對 同 門 師 妹 梁 洛 施 傳 出 已 有 未 婚 夫 一 事 ， 她 說 ： 「 我 在 上 海 、 泰 國 開 工 拍 戲 ， 冇 乜 留 意 香 港 新 聞 ， 唔 好 意 思 。 拍 呢 套 戲 好 開 心 ， 今 日 呢 一 身 死 靚 仔 打 扮 只 係 戲 初 段 ， 稍 後 我 會 變 番 女 兒 身 ， 好 開 心 可 以 拍 得 我 好 女 仔 一 面 。 今 次 全 套 戲 都 好 有 團 隊 精 神 ， 而 吳 尊 又 好 專 業 ， 不 過 我 之 前 見 佢 手 掌 個 傷 口 『 標 』 血 ， 好 驚 囉 ！ 」